Posted inAndlua

Andlua Admin Panel v3 | Server Setup | Part 2

1

Introduction

Agar aapne pichla part nahi padha hai, toh pehle zaroor padh lein. Usme humne Admin Panel v3 ke project files ko AndLua+ mein kaise import karte hain, woh samjaya tha. Agar aapne woh nahi kiya, toh server ka yeh part aapka kaam nahi karega.

Part 1 : Project Import & Edit

Andlua Admin Panel v3 | Project Import & Edit | Part 1

Aaj hum sirf server setup karenge. Yeh thoda technical lag sakta hai, lekin main aapko aasan steps mein samjata hoon. Bas dhyaan se follow kijiye.

Video Tutorial

Agar aap is tutorial ko video ki madat se samajhna chahte hai to maine eak video bana diya hai jisme maine sab kuch step by step bataya hai [embedded below]

Tools & Files

  1. Admin Panel v3 Server Files: Yeh ek file hogi.
  2. MT Manager App: Files ko edit aur extract karne ke liye.
  3. Web Browser: Chrome ya Firefox.
  4. Internet Connection: Server upload karne ke liye.

Step 1: Server Files Ko Download Aur Extract Karna

  1. Pehle Admin Panel v3 Server Files wali ZIP file ko download karo.
  2. Ab MT Manager app kholo.
  3. Us folder mein jao jahan aapne yeh ZIP file download ki hai.
  4. File par long press karo aur “Extract” ka option choose karo.
  5. Extract karne ke baad aapko ek naya folder dikhega. Iske andar aapko kuch PHP files aur ek database.sql file milegi.

Step 2: Hosting Setup

Server files ko online rakhne ke liye hamein hosting chahiye.

  1. Apne browser mein jaakar apni hosting website open karo.
  2. Sign Up karo ya agar pehle se account hai toh Login karo.
  3. Create a New Website par click karo.
  4. Website ka koi naam do (jaise: myadminpanelv3). Spaces use mat karo.
  5. Ek strong password set karo (letters, numbers, symbols mila kar).
  6. Account ban jane ke baad, aapko apna Dashboard dikhega.

Step 3: Database Banana (MySQL)

Admin Panel ko users ko store karne ke liye database chahiye.

  1. Apne dashboard mein jaakar MySQL Databases dhoondho.
  2. Create New Database par click karo.
  3. Details bharo:
    • Database Name: adminpanel (ya kuch aur)
    • Username: uadmin (default milta hai, ya naya banao)
    • Password: Ek strong password daalo
  4. Create par click karo.
  5. Yaad rakhna: In teeno details (Database Name, Username, Password) ko copy karke safe rakh lo. Yeh bahot important hain.

Step 4: Server Files Ko Edit Karna (Database Connect)

Ab humein server files ko apni database details ke saath connect karna hai.

  1. MT Manager mein wapas jao aur extracted server files wala folder kholo.
  2. db.php ya config.php naam ki file dhoondho aur open karo.
  3. Is file mein aapko kuch lines aisi dikhengi:phpdefine(‘DB_NAME’, ‘database_name_here’); define(‘DB_USER’, ‘username_here’); define(‘DB_PASS’, ‘password_here’);
  4. In lines ko apni database ki details se replace kar do. Example:phpdefine(‘DB_NAME’, ‘adminpanel’); define(‘DB_USER’, ‘uadmin’); define(‘DB_PASS’, ‘MyStrongPass@123’);
  5. File ko save kar do.

Step 5: Database Import Karna (Tables Banana)

Database abhi khaali hai. Humein usme tables banani hain.

  1. Apne website dashboard mein jaakar phpMyAdmin ya Database Manager kholo.
  2. Left side se apna database select karo.
  3. Top par Import tab par click karo.
  4. Choose File par click karo aur extracted folder se database.sql file select karo.
  5. Go ya Import button dabao.
  6. Agar sab sahi hua, toh ek green success message dikhega.

Step 6: Server Files Ko Upload Karna

Ab humein apni edited server files ko hosting par upload karna hai.

  1. Website dashboard mein File Manager kholo.
  2. public_html folder mein jao.
  3. Upload button par click karo.
  4. Saari server files select karo (sirf database.sql ko chhod kar) aur upload kar do.
  5. Upload complete hone ka intezar karo.

Step 7: Server Test Karna

Ab test karte hain ki server sahi se kaam kar raha hai ya nahi.

  1. File Manager mein jaakar koi bhi PHP file kholo (jaise test.php ya index.php).
  2. Agar page blank (white ya black) open hota hai, toh Database connected successfully!
  3. Agar koi error dikhta hai (jaise “Connection failed”), toh Database details galat dal di hain. Step 4 dobara check karo.

Step 8: Server URL Copy Karna

Ab humein apne server ka address (URL) chahiye.

  1. Apni hosting ke dashboard par jao.
  2. Wahan aapka website URL dikhega. Kuch iss tarah: https://myadminpanelv3.com
  3. Is URL ko copy kar lo.

Step 9: AndLua+ Project Mein Server URL Dalna

Ab humein yeh URL apne AndLua+ project ko batani hai.

  1. AndLua+ mein apna Admin Panel v3 project kholo.
  2. main.lua, edit.lua, aur login_function.lua jaise files kholo.
  3. In files mein kahin na kahin http://example.com ya aisa kuch placeholder likha hoga.
  4. Is jagah par apna copied server URL paste kar do.
  5. Har file ko save kar do.

Step 10: Final Test – User Registration

Ab sab kuch test karte hain.

  1. Apna AndLua+ project run karo.
  2. Register option choose karo.
  3. Koi test username aur password daal kar register karo.
  4. Agar “User Registered Successfully” message aata hai, toh Aapka server kaam kar raha hai.
  5. Confirm karne ke liye website ke phpMyAdmin mein jao aur check karo naya user add hua hai ya nahi.

Step 11: Apne Dusre Project Mein Login System Lagana

Agar aap chahte hain ki aapka koi dusra app bhi is server se login kare, toh yeh aasaan hai.

  1. login_function.lua file ka saara code copy karo.
  2. Apne naye AndLua+ project mein ek nayi file banao, jaise login.lua.
  3. Code usme paste kar do.
  4. Apni main.lua file mein yeh line add karo:luaimport “login”
  5. Ab jab bhi koi aapka app open karega, pehle login karna hoga.

Conclusion

Doston, yeh thoda lengthy process hai, leikin ek baar setup ho jaane ke baad, aapka ek professional login system tayyar hoga.

Aapne seekha:

  • Database kaise banate hain
  • Server files ko kaise edit aur upload karte hain
  • AndLua+ project ko server se kaise connect karte hain
  • Build & Run kaise karte hai

Agle post mein hum isi mein advanced features add karna seekhenge.

Agar koi step atakta hai, toh comment mein zaroor puchna. Main madad karunga.

– DevelopEye Tutorials

Tags:

1 Comment

Leave a Reply

Your email address will not be published. Required fields are marked *